Shopping التَّسَوُّق

Read and listen to the following dialogues. Notice the different scenarios when going shopping for different purposes.

 

Dialogue 1: At the clothes store   |   الحوار ١: في مَحَل الأَواعي

Listen to the full dialogue here

English العاميّة استَمِع Listen
المُوَظَّفة: أهلا وَسَهلا، بِتحِبي أساعدِك؟
ايميلي: آه، لَو سَمَحتِ بقَديش هاد الفُستان؟ 
المُوَظَّفة: هاد الفُستان عَليه تَنزيلات، فَصار سِعرُه 18 دينار. 
ايميلي: طَيِّب، في مِنُّه قياس 38؟
المُوَظَّفة: للأسَف هاد اللون ما ضَل مِنُّه قياس 38، بَس في أَلوان ثانية.
ايميلي: شو الأَلوان؟
المُوَظَّفة: في أَحمَر وأَزرَق.
ايميلي: طَيِّب مُمكِن أَجَرِّب الأَحمَر؟
المُوَظَّفة: تفَضَّلي، غُرفة القياس آخِر المَمَر على ايدِك اليَمين.
ايميلي: شُكراً.
(بَعد القياس)
المُوَظَّفة: ان شالله عَجَبِك الفُستان؟
ايميلي: واسِع شوَي، بَس حبيته.
المُوَظَّفة: بِدِّك أَساعدِك باشي ثاني؟
ايميلي: لا شُكرًا بَس بِدّي الفُستان.
المُوَظَّفة: تَمام، تفَضَّلي معي عالكاش.

 

Dialogue 2: At the shoe store   |   الحوار ٢:  في مَحَل الكَنادِر

Listen to the full dialogue here

English العاميّة استَمِع Listen
المُوَظَّفة: مَرحَبا، عم بِتدَوِّر عَلى اشي مُعَيَّن؟
ديفيد: لَو سَمَحتِ بِدي كُندَرة رَسمِية جِلد.
المُوَظَّفة: بِدَّك لون أَسوَد أَو بِنّي؟
ديفيد: بَفضِّل لون أَسوَد.
المُوَظَّفة: شو القياس؟
ديفيد: قياس 42.
المُوَظَّفة: في عِندي قياس 42 مِن هاي الكُندَرة، شو رأيَك؟
ديفيد: مُمتاز، مُمكِن أقيسها؟
المُوَظَّفة: طَبعاً، تفضَّل.
المُوَظَّفة: شو رَأيَك؟
ديفيد: حَبّيت الكُندَرة بَس ضَيقة. في منها قياس 43؟
المُوَظَّفة: مَوجود، تفَضَّل.
ديفيد: هاي مُريحة أَكثَر. قَديش حَقها؟
المُوَظَّفة: هاي سِعرها 55 دينار.
ديفيد: تَمام، لَو سَمَحتِ بِدي ياها.
المُوَظَّفة: تفَضَّل مَعي عَالكاش.

 

 

الحوار ٣: في الدُّكان |  Dialogue 3: At the grocery store

 

Listen to the full dialogue here

English العاميّة استَمِع Listen
كارين: يَعطيك العافية. عِندَك جِبنة حَلوم؟
البَياع: آه مَوجود، قَديش بِدِّك؟
كارين: بِدّي وقِية لَو سَمَحِت.
البَياع: عَلى طول، بدِّك اشي ثاني؟
كارين: بِدي كمان نُص كيلو زيتون أَسوَد.
البَياع: بِدِّك الزيتون بعِلبة وَحدة أو عِلبِتين.
كارين: عِلبة وَحدة لَو سَمَحت. وما بِدّي كيس.
كارين: قَديش الحساب؟
البَياع: 5 دَنانير ورُبِع.
كارين: تفَضَّل، مَعي 20 دينار.
البَياع: ما مَعِك فراطة؟
كارين: للأسَف لا، بَس مَعي رُبِع دينار.
البَياع: منيح، وهاي الباقي 15 دينار.
كارين: يِسلَموا.
البَياع: أهلا وسَهلا.

 

 

الحوار ٤: في مَحَل الخُضار والفَواكة |  Dialogue 4: At the produce store

 

Listen to the full dialogue here

English العاميّة استَمِع Listen
نيكول: مَرحَبا.
الخُضَرجي: أَهلا وَسَهلا.
نيكول: بقَديش كيلو الكوسى لَو سَمَحت؟
الخُضَرجي: كيلو الكوسى بـ 65 قِرش.
نيكول: طَيِّب، بِدّي 2 كيلو كوسى وكيلو بَندورة لَو سَمَحت.
الخُضَرجي: تَمام، لازمِك اشي ثاني؟
نيكول: هاد التُّفاح طازة؟
الخُضَرجي: هَدول مِن مبارِح، أَحُطِّلك كيلو؟
نيكول: لا شُكراً، بَس بِدي كوسى وبَندورة. قَديش الحساب؟
الخُضَرجي: دينار و80 قِرش.
نيكول: تفَضَّل.

 

Now let’s practice!

Click to flip the cards and learn the words and expressions in ‘Ammiyya. Then, select a game to test your knowledge by clicking “Choose a Study Mode” on the bottom right corner. Have fun!

css.php